第二批馬卡龍又起貨喇，明天見😉
有朋友問點解我整嘅馬卡龍比較軟身同街賣嘅唔同嘅？梗係啦，我整嘅係意式馬卡龍嘛，要煲糖水嘅，製作程序比街賣的法式馬卡龍多一點點，技巧也多點，所以每次只能少量製作，以控制成品的質感和口感，所以帶有煙韌效果; 反之法式馬卡龍製作程序比較簡便，亦可大量生產，口感偏硬和脆。我本人比較喜歡意式馬卡龍，好味好多😊
馬卡龍忌水又忌熱，製作過程要控制温度和濕度，所以一定要開行冷氣做，凍到我流鼻水呀😅 煲糖水和消氣泡也有技巧和學問，製成品基本要求要圓、裙邊不太厚以及底部没有反光等等。。。 所以馬卡龍被喻為最難做得好的甜點之一😊